23 DE FEBREIRO, DÍA DE ROSALÍA DE CASTRO

 23 DE FEBREIRO

DÍA DE ROSALÍA DE CASTRO

CHEGOU O GRAN DÍA!!

Hoxe rematamos a recitaxe de poesías desta gran poetisa. E tamén se fixo un mural na entrada da porta para celebralo. Así como algúns traballiños dos rapaces de 5 anos.

Aquí tedes unhas fotos que  esperamos que as disfrutedes tanto coma nós!!

 SEMANA DA POESÍA DE  ROSALÍA DE CASTRO

Con motivo da celebración do nacemento de Rosalía, esta semana adicaremos o luns, martes e mércores para recitar poesías de Rosalía nos 20 minutos establecidos para a hora de lectura. 

Os encargados de recitar as poesías polas aulas será o alumnado do 3º ciclo de primaria e  a clase de 2º A.

Cada día irán  polas  aulas 2 quendas de nen@s por clase.

Preme na foto para ver os videos  e fotos dese día.

LUNS 21 DE FEBREIRO

MARTES 22 DE FEBREIRO

MÉRCORES 23 DE FEBREIRO

GENIALLY DE ROSALÍA DE CASTRO

Para traballar esta grande poetisa podedes facer estes genially que profundizan na vida e obra de Rosalía.

Só tedes que fixarvos a qué ciclo pertencedes para elixir un.

TOCA XOGAR E  DISFRUTAR!!!

1º CICLO DE PRIMARIA E INFANTIL

 2º E 3º CICLO DE PRIMARIA

DÍA DA PAZ

 Hoxe, venres 28 de Decembro, celebramos o Día escolar da non Violencia e da  Paz no cole de San Tomé.

Para esta celebración elaborouse un mural que se expuxo na entrada do colexio. Foi montado polo 2º ciclo de primaria e empregouse a lingua galega  para transmitir unha mensaxe de paz e esperanza.

O mural quedou así de chulo:

Dende o cole preparouse unha saída, logo do recreo, á praza de  Fefiñáns para a realización dos bailes e cancións preparados pola profe Mónica para este día. Houbo tanto cancións en galego coma noutros idiomas.

As cancións e bailes foron: Terra de Tanxugueiras; A pomba da Paz 2022; Libertad de Nil Moliner (lingua de signos); My bestie and your bestie de Alda Recalde.

Na praza distribuíuse o alumnado en círculos concéntricos, respectando a distancia entre eles, do seguinte xeito: 6º de primaria no centro, logo infantil, 1º e 2º de primaria e por último, 3º, 4º e 5º de primaria. O alumnado de 6º de primaria serviu de modelo para o resto do alumnado, nos bailes preparados para este día, dende as clases de música.

Gracias de todo corazón profe Mónica por estes bailes e ensaios tan maravillosos!!

Foi un día para recordar !!

 

Tamén podedes ver dende este enlace, o vídeo feito  pola coordinadora de actividades complementarias e extraescolares, o día tan estupendo que  viviron os escolares  festexando a paz:

Día da Paz 2022

Gracias Andrea por este vídeo, tan fermoso!!

Dende o equipo de EDLG queremos compartir con tod@s vós o maravilloso calendario de 2022 que fixemos en colaboración coas clases de Infantil e Primaria do cole.

Este ano estaba adicado ao fenómeno xacobeo: Camiños para chegar a  Santiago de Compostela.

Desglose por clases:

 INFANTIL 5 ANOS: portada

2º PRIMARIA A: Pórtigo da Gloria

4º PRIMARIA A: camiño central portugués (Xaneiro)

3º PRIMARIA A: Camiño de Santiago primitivo (Febreiro)

3º PRIMARIA B: Camiño de Santiago francés (Marzo)

5º -6º PRIMARIA: Camiño do Norte (Abril)

4º PRIMARIA C: Camiño de Inverno (Maio)

1º PRIMARIA B: Camiño do sudeste-Vía da Prata (Xuño)

5º-6º  PRIMARIA: Camiño do interior (Xullo)

4º PRIMARIA B:  Camiño Inglés (Agosto)

2º PRIMARIA B: Camiño das Torres (Setembro)

5º-6º PRIMARIA: Camiño Portugués pola Costa (Outubro)

5º-6º PRIMARIA: Mar de Arousa e río Ulla (Novembro)

1º PRIMARIA  A:  Camiño de Fisterra e Muxía (Decembro)

INFANTIL 3-4 ANOS: contraportada

 OS MONICREQUES DE KUKAS

Hoxe tivemos unha actuación dun artista moi singular: Kukas.

Trouxeron a obra "Xan Perillán compra queixo, compra pan".  

A obra céntrase no Híper mega súper mercado "O Rato Colorado". Mais o trasno do consumo irresponsable persígueo de aquí para acolá... mercará ben? ou deixarase engaiolar polo consumismo, a publicidade enganosa e a comida lixo?

Un espectáculo que mestura o clown e a pantomima coa maxia e os monicreques; compaxinando o ocio e o divertimento coa educación no consumo responsable e nos hábitos de vida saudables.

Pola nosa parte, o CEIP Santomé tivo un día especial saíndo ó auditorio e podendo disfrutar dun fermoso día.

Fomos en dous turnos:

1ª sesión á 11 da mañá:  Educación Infantil e 1º ciclo de primaria.

2º sesión ás 12:30 da mañá: 2º e 3º ciclo de primaria.

Aquí tedes un pequeno vídeo e unhas fotos da actuación: