REMATAMOS O CURSO 2022-23 PUBLICANDO A REVISTA DIXITAL, Nº 32, "O ECO DE SAN TOMÉ".
DENDE EDLG AGARDAMOS QUE VOS GUSTE E QUE DISFRUTEDES VENDO O TRABALLO FEITO POR TODA A COMUNIDADE EDUCATIVA DO CEIP SANTOME: INFANTIL; 1º, 2º E 3º CICLO DE PRIMARIA; ASÍ COMO O CLUBE DE CIENCIA E AS ACTIVIDADES MUSICAIS.
PARA PODER VER A REVISTA SÓ TENDES QUE PREMER NA FOTO:
FELICES VACACIÓNS!!
Un 3 de xuño de 1876 naceu en Cambados o POETA DA RAZA Ramón Cabanillas Enríquez, a quen lle adicamos o podcast deste mes.
Gran defensor do idioma galego, da cultura galega e do pobo galego, agardamos que escoitando o podcast vos animedes a saber un pouco máis da súa emocionante vida e da súa obra!!
Participou alumnado de 6ºB de primaria e fixeron os papeis de entrevistadora (Laura), poeta (David), letores de fragmentos da súa obra (Josías e Ángela) e tamén tivemos técnico e director de podcast (Miguel). Moitas grazas a todos por participar!!
A maiores puxemos un recuncho adicado a Ramón Cabanillas con libros e fotos da súa obra e vida, preto da biblioteca escolar:
.jpeg)
LETRAS GALEGAS 2023
O ciclo de Educación Infantil do noso colexio estivo debuxando figuras de Francisco Fernández del Riego, autor homenaxeado nas letras galegas 2023.
Logo déuxelle animación a estas figuras e montáronse varios vídeos. Aquí tedes un exempro::
O primeiro ciclo de primaria do noso colexio estivo debuxando figuras de Francisco Fernández del Riego, autor homenaxeado nas letras galegas 2023.
Logo déuxelle animación a estas figuras e montouse un vídeo con todas elas:
O terceiro ciclo de primaria do noso colexio estivo debuxando personaxes de libros da editorial Galaxia. Pois, Francisco Fernández del Riego, autor homenaxeado nas letras galegas 2023, foi o seu fundador.
Logo déuxelle animación a estes personaxes e montouse un vídeo con todes eles:
O segundo ciclo de primaria do noso colexio estivo debuxando personaxes de libros da editorial Galaxia. Pois, Francisco Fernández del Riego, autor homenaxeado nas letras galegas 2023, foi o seu fundador.
Logo déuxelle animación a estes personaxes e montouse un vídeo con todes eles:
Hoxe fomos cos cuartos de visita a Padrón.
Primeiro visitamos a Casa.Museo de Rosalía de Castro e logo visitamos a fundación de Camilo José Cela así como o museo de ferrocarril que hai dentro da fundación.
Como hoxe era o aniversario de Don Camilo, pois naceu un 11 de maio alá por 1916, participamos na ofrenda floral que había preparada.
Logo rematamos a excursión no xardín botánico de Padrón.
Preme na foto se estás interesado nesta excursión!!
Boa tarde, hoxe veu contar un contiño a profe Marisa do colexio de Castrelo.
Elixiu vir para as clases de terceiro. Contoulles o conto "A banda de Vilacendoi" e foi todo un éxito.
Preme na foto para descubrir o ben que o pasamos!!
.jpeg)
Hoxe veu contar un conto ao ciclo de infantil a profe de Corbillón Vanesa.
Contounos o conto "un becho estraño" de Mon Daporta.
Como somos 104 rapazas e rapaces en EI fixo dúas sesións. Primeiro foron as clases de 5 anos e unha clase de 3 anos e logo foron as clases de 4 anos e outra clase de 3 anos.
Preme na foto para poder ver o ven que o pasamos!!
.jpeg)
Deixounos o "becho estraño" para colorear e mirade que ben quedou!!
Celebramos os maios no cole San Tomé!!
Este venres celebramos os maios en colaboración con outros coles a través do concello de Cambados; e tamén participaron os centros de día e o asilo.
Pasamos a semana ensaiando e o xoves preparamos o noso maio.
Premede na foto para disfrutar connosco deste momento:
Hoxe, 26 de abril,o profe Manu foi contar o conto ao colexio de Magariños.
Levou un conto escrito por el e contoullo aos rapaces e rapazas de 1º de primaria.
A experiencia non puido ser máis boa e con gañas de repetir anos vindeiros!!
.jpeg)
.jpeg)
O martes 25 de abril veu contar o conto a profe de infantil do colexio de Vilariño.
Veu contar o conto á clase de 3 anos A e a experiencia foi fantástica e con gañas de repetir!!
.jpeg)
O martes 25 tocou ir contar o conto ó colexio da Modia e encargouse a profe Bea,
O colexio da Modia ten rapazas e rapaces de idades mesturadas entre 3 e 6 anos.
A experiencia non puido ser mellor e aquí tedes unhas fotos que nos van deixar un moi bo recordo!!
.jpeg)
.jpeg)
Esta semana festexamos o día do libro o luns 24 de abril e como vimos facendo estes últimos anos fixemos o apadriñamento lector despois do recreo.
O apadriñamento consiste en que os rapaces dos cursos superiores (os padriños) veñen buscar aos rapaces dus cursos inferiores (os afillados) e marchan xuntos a ler un conto no recuncho do colexio que máis lles guste.
Logo dende o equipo de biblioteca fíxose un concurso de podcast e elixíronse os gañadores dos distintos ciclos de primaria e infantil.
Por suposto, léronse moitos libros en galego e os podcast estaban feitos no noso querido idioma.
Se premedes na foto podedes ver que momento máis bonito pasamos no noso colexio!!
.jpeg)
TEATRO MIGALLAS
Hoxe o alumnado de infantil e do primeiro ciclo de primaria disfrutaron da contacontos Bea Campos e do músico Manuel, pertencentes a Migallas Teatro.
Uns días antes as profes puidemos escoller entre un montón os libros para contar.
No primeiro ciclo de primaria elixiron: Tío Lobo, Daniela Pirata, o libro dos porcos e un agasallo diferente.
No ciclo de infantil elixiron: o coelliño branco, garabancillo, unha eiruga moi larpeira e os tres bandidos.
Disfrutamos moito dos contos con música e se premes na foto poderán ver o ben que o pasamos!!
.jpeg)
Un 19 de abril de 1977 naceu en Santiago de Compostela a poetisa en lingua galega e tradutora Yolanda Castaño, a quen lle adicamos o podcast deste mes.
Agardamos que escoitando o podcast vos animedes a saber un pouco máis da súa obra!!
Hoxe 17 de abril a profe Noelila vai ir de contacontos ó colexio CEIP Castrelo para contar o conto Coidado co charca! ao alumnado de infantil.
Os rapaces pasárono xenial e para a contacontos foi unha experiencia inolvidable.
O venres 14 de abril visitamos o colexio CEIP Enrique Barreiro Piñeiro. Esta vez a profe Andrea leu o conto "coidado coa charca!" ao alumnado de infantil. A experiencia foi estupenda e a contacontos non o puido facer mellor.
Con respecto ó libro elixido foi escrito por José Carlos Román García e ilustrado por Emilio González Urberuaga. Dicir que a nosa charca é un sitio singular, aos animais do bosque gústalles moito pero...plof! que ocorreu na charca? A abella, a mosca, a xoaniña, o caracol, o coello, o ourizo e ata un elefante desfilarán por este divertido conto que se desenvolve cunha estructura acumulativa-repetitiva. Unha aventura que fará rir e gozar a pequechos e grandes, atraeralles polo dinamismo, colorido e expresividade das súas ilustracións e sorprenderano a todos polo seu final.
Aquí vos deixamos unha foto desta inolvidable experiencia!!
.jpeg)
O martes 12 de abril visitamos a escola de EI da Pastora. Esta vez foron os rapaces e rapazas de 3º e 4º de primaria e fixeron varias pezas de teatro para o alumnado desta escola.
As rapazas e rapaces de 4º interpretaron a canción "catro bellos mariñeiros" mediante un teatrillo de sombras feito por eles e tamén interpretaron a canción de migallas "unha vella tiña un can" mediante un teatrillo feito por eles.
As rapazas de 3º de primaria interpretaron a obra "os tres porquiños" mais dándolles un toque moderno.
Preme na foto para ver que ben o pasamos!!
O luns 11 de abril comezamos as nosas saídas aos colexios da contorna para contarlles un conto aos rapaces.
Comezamos polo CEIP Corbillón e foron de contacontos as profes Miriam e Susana. Léronnlles o conto ao alumnado de infantil e primeiro ciclo de primaria. O conto titulábase De que cor é un bico da escritora Rocío Bonilla.
Respecto ó libro a Minimoni encántalle pintar mil cousas de cores:xoaniñas vermellas ou ceos azuis, pero nunca pintou un bico. De que cor será? Vermello coma unha deliciosas salsa de tomate? Non porque tamén é a cor de cando estás enfadado...Será verde coma os crocodilos que sempre lle pareceron simpáticos?; Imposible porque é a cor das verduras e non lle gusta comelas!. Como podería pescudar de que cor é un bico?
Logo as profes fixeron coas rapazas e rapaces unha botella sensorial de cores; a partires de dúas cores primarias (azul + amarelo) obtíñase unha cor secundaria (verde). Pois o verde era a cor preferida para un bico dunha das profes!!
Preme na foto para ver a estas contacontos!!
Hoxe o alumnado de terceiro de primaria fixo a excursión ao pobo de Padrón. Alí visitamos a fundación Camilo José Cela e a Casa-Museo de Rosalía de Castro, merendamos no xardín botánico e paramos a comer no espolón.
Foi un día estupendo e queremos compartir con vós algunhas fotos da excursión. Premede na foto para poder ver máis!!
Dende EDLG queremos desexarvos un FELIZ DÍA DA POESÍA con este vídeo que xa ten varios anos pero no que aparece a poetisa Yolanda Castaño, a quen lle imos adicar o podcast de abril.
Neste vídeo Yolanda Castaño recita algúns poemas feitos por poetisas de todo o mundo que foron reivindicando a igualdade dende a escrita.
Premede na foto para ver o vídeo e pasar un bo rato entre poemas!!
Este mércores 8 de marzo celebramos no cole o día da muller e este ano adicámolo ás mulleres matemáticas.
Dende os equipos de normalización e extraescolares proponse elaborar un mural conxunto entre todo o centro sobre mulleres matemáticas importantes na historia ou para o noso centro.
Entregamos a cada aula un folio violeta en A3 coa matemática que lle toque traballar e na aula os nenos/as investigarán sobre ela e reflectirán os datos máis importantes da súa vida, estudos, traballo, etc.
Estes carteis colocaranse formando un mural na entrada.
E aquí tedes o resultado que esperamos que vos guste e se premedes na foto verédelo mellor!!
Un 4 de marzo de 1889 naceu na fermosa vila de Cambados, o escultor Francisco Asorey González e para celebralo dende o noso cole queremos facer un podcast.
O entroido chegou ao cole de San Tomé!!
Nada máis chegar pola mañán ao cole fomos prepararnos para facer o pasarúas pola nosa localidade. Pasámolo xenial e moita xente do pobo se implicou e nos veu ver.
Diante do asilo de San Tomé bailamos para a xente anciá e de volta no cole tivemos festa, bailamos e comemos filloas, orellas, frores, etc.
Día fantástico para recordar!!
O venres 3 de febreiro veu visitar o cole Martina López, finalista de go talent 2022
Hoxe foi o día da Non Violencia e da Paz no colexio de San Tomé.
